1. Hüquqi Məsələlər və Məxfilik
Serverdə Azərbaycan Respublikasının qanunvericiliyi əsas götürülür. Dövlət əleyhinə çağırışlar, siyasi provokasiyalar, milli-mənəvi dəyərlərin, dinin və inancların təhqiri qəti qadağandır.
Şəxsi məlumatların oğurlanması (phishing), hesablara qanunsuz giriş cəhdləri, dələduzluq, fırıldaqçılıq, sahte tirajlar/çəkilişlər və ya şübhəli/zərərli linklərin paylaşılması dərhal birdəfəlik uzaqlaşdırma (ban) səbəbidir.
Hər hansı bir istifadəçini şəxsi məlumatları, gizli qeydləri və ya fotoları ilə şantaj etmək, hədə-qorxu gəlmək və ya icazəsiz şəkildə başqasının şəxsi məlumatlarını yaymaq (doxxing) sıfır toleransla cəzalandırılır.
Narkotik vasitələrin, psixotrop maddələrin, silah və partlayıcı materialların təbliği, satışı, paylaşılması və ya istifadəsinə təşviq edilməsi qəti qadağandır.
İstifadəçilər server daxilində paylaşdıqları hər bir məzmuna, mesaja və media faylına görə fərdi şəkildə özləri məsuliyyət daşıyırlar. Rəhbərlik istifadəçilərin öz aralarındakı şəxsi mesajlaşmalardan (DM) birbaşa məsuliyyət daşımır.
2. Server Daxili Nizam-İntizam Qaydaları
Server daxilində söyüş söymək, təhqir, irqçilik, cinsiyyətçilik və şəxsi hücumlar yasaqdır. Yumor və zarafat sərbəstdir, lakin qarşı tərəfi aşağılamaq, lağa qoymaq və ya qadın istifadəçiləri narahat etmək dərhal cəza səbəbidir.
Bütün mətn və səs kanalları öz məqsədinə və adına uyğun şəkildə istifadə edilməlidir.
Kanallarda emoji, GIF, böyük hərflər (caps lock) və mətn spamlarını şişirtmək, söhbət axınını pozmaq qadağandır. Öz kontentini, yaradıcılığını və ya fikirlərini israrla diktə etmək (təkidli tanıtım) olmaz.
İctimai (public) səsli kanallarda söyüş və təhqirdən istifadə etmək qəti qadağandır. Nəzərə alın ki, bu kanallara istənilən üzv istədiyi vaxt daxil ola bilər.
Server daxilində keçirilən tədbirləri, yarışları, turnirləri və ya otaqlardakı ümumi mühiti trollamaq (sabotaj etmək) qadağandır. Botları, iqtisadiyyat otaqlarını və ya level sistemini qanunsuz yollarla manipulyasiya etmək cəza səbəbidir.
+18 vizual, video, mətn və ya cinsi imalar birmənalı olaraq yasaqdır. Pedofiliya, ensest və təcavüz mövzularında edilən zarafatlar və ya paylaşımlar birbaşa və geri dönüşü olmayan ban ilə nəticələnir.
Server daxilində və ya üzvlərin şəxsi mesajlarına (DM) icazəsiz reklam, tanıtım, dəvət linki və ya kütləvi spam göndərmək qəti qadağandır.
3. Moderasiya, Səlahiyyət və Cəza Sistemi
Moderasiya komandasının verdiyi təlimatlara və xəbərdarlıqlara əməl olunması məcburidir. Moderatorlar qaydaları şərh etmək və tətbiq etmək mövzusunda tam inisiyatif və səlahiyyət sahibidirlər.
Moderasiya və idarəetmə ilə bağlı gizli mövzular, daxili müzakirələr hər kəsə açıq şəkildə danışıla bilməz. Başqa bir idarəçini və ya moderatoru təqlid etmək yasaqdır.
Moderator qərarlarını ümumi söhbət otaqlarında hədəf almaq, açıq şəkildə mübahisəyə açmaq, tənqid etmək və ya bu səbəbdən drama yaratmaq əlavə cəza səbəbidir.
Qayda pozuntularına görə tətbiq olunan cəzalar (xəbərdarlıq, mute və ya qalıcı ban) hadisənin miqyasına, təkrarına və istifadəçinin niyyətinə əsasən müəyyən edilir. Kiçik qayda pozuntularında ilkin addım xəbərdarlıqdır; təkrar olunan və ya qəsdən edilən hallarda isə cəza müddəti artırılır.
Verilən cəzalar moderatorlar tərəfindən kefi şəkildə qaldırıla bilməz. Cəza etiraz yalnız rəhbərlik tərəfindən müəyyən olunmuş xüsusi kanallar və ya birbaşa baş yetkililər üzərindən reallaşdırılmalıdır.
Qaydaların mətndə açıq şəkildə qeyd olunmadığı, lakin server mühitini, nizamını və hüzurunu açıqca pozan digər mənfi davranışlar da rəhbərlik tərəfindən cəzalandırıla bilər. "Bu, qaydalarda yazılmamışdı" bəhanəsi və müdafiəsi keçərli qəbul edilmir.
Rəhbərlik ehtiyac yarandıqda qaydaları yeniləmək, dəyişdirmək və ya genişləndirmək hüququnu özündə saxlayır. Yenilənən qaydalar elan olunduğu andan etibarən qüvvəyə minmiş sayılır. Serverdə qalmağa və fəaliyyət göstərməyə davam edən hər bir istifadəçi cari qaydaların tamamını qəbul etmiş sayılır.